Brin a brin los professors se chamjan en VRP. Dins l’encastre de la LOLF (lei organica relativa a las leis de financias), los establiments escolàris reçauben chada annada una maussa d’euròs a partatjar d’entre las diferentas accions culturalas enterpresas per los ensenhaires.
En nonmàs doas annadas quela sounada fuguèt partiada de 50% ; aus professors de se despatolhar per trobar los mejans de lor pedagogia e far entrar l’argent que fai mestier per menar los projects. Per l’ensenhament de l’occitan, lo problema es parier. Urosament qu’en Peirigòrd lo pòple aima sa lenga e ajuda a los que eisseian de l’ensenhar !
Entau aguèren la suspresa bela de veire un pepet de collegiana dau liceu Giraut de Bornelh d’Exciduelh far lo pair Nadau, o lo rei de la crescha se voletz. Entau lo sénher Toupet decidèt d’ufrir aus escolans d’occitans de mossurs Latour e Peyrouny una partida de lor viatge en Lengadòc dau mes d’abriau 2011 en lor paiar los dos bus, çò que permeterà de menar tot lo monde dins quela brava surtida de tres jornadas. Que ne’n siá mercejar dins quelas colonnas consacradas a l’occitan. Lo geste es pro rare e la generositat per la cultura occitan corris pas tan lo prat perque lo presnet siá ben remarcat aqui. E coma un bonur ven jamai tot solet, i aguèt questa annada quaques pitits còp de man donat d’aqui d’alai. Fau parlar donc de mossur Chaumond editor a Nòstra Dama que balha, dempuei dos ans au mes de decembre, un moleton de calendiers e d’agendas per far vendre aus escolans de Bertran de Born e far rentrar d’argent per las accions pedagogica menadas au collegi. E fau pas ublidar mossur Cantornet de Macarel.org que dempuei Montpelhiers a ufrit queste estiu aus dos professors d’occitans peirigòrd quauques milhiers de pega-solets per aidar a ganhar un pauc de moneda.
Totas quelas initiativas son de segur la benvengudas. Màs en defòra dau sosten financiari que portan, los professors d’occitan i vesen una reconeissencia per lor trabalh e lor engajatment tot au long de l’an. Uei 225 escolans an chausit l’opcion lenga d’oc a Exciduelh e 130 an fach de mesma a Peirigüers, e quò contunha de frotjar.
Benleu que quilhs pioniers de l’esponsoring occitan, quilhs tres reis de la crescha, balharàn d’ideias a d’autres chaps d’enterpresas que per amor dau país voldrián portar lor peira au desvelopament de l’ensenhament de nòstra lenga dins nòstre país ?
Aucun commentaire:
Enregistrer un commentaire